[i 563]
DE LA VILLE DE PARIS.
'275
qui y seroient esleuz à instruire et prandre les erres des affaires ja encommencez, et que par exprès com­mandement a aussi dict qu'il ne bougera de ceste Ville que l'election desd. Eschevins ne soit faicte, jouxte et suivant l'intention du Roy; auquel a esté faict responce par lesd, s" Prevost et Eschevins qu'ilz estoient asseurez des bonnes voluntez des majestez
desd. sr et dame- qu'ilz n'entendoient aulcunement desroger aux privileges donnez parles predecesseurs rois et confirmez de luy, tendans à ce que en toute liberté, le jour de lad. eslection, qui est le lende­main de la my aoust, les mandez eussent à donner voix et suffrages, et la forme acoustumée estre gar­dée.
GCCCXXIII. — Lettres du Roy pour continuer messieurs Marcel et L'Advocat, Eschevins.
9 août i563. (H 1785, fol. 45 r°.)
De par le Roy. « Trés chers et bien amez, le grand debvoir et sage conduicte dont le seigneur de Versigny comme Pre­vost", Marcel et L'Advocat pour Eschevins ont usé en l'administration qu'ilz ont eue en nostre ville de Paris durant ces troubles et en temps si fascheux et le zèle fervent et affectionné qu'ilz ont demonstré en nostre service, bien, repoz et conservation de lad. Ville, nous faict désirer que pour l'année où nous entrons ilz soient continuez esd. estatz, comme personnes très ulilles et dignes d'une si pesante charge, vous priant à ceste cause estre contans de
tant nous gratiffier et faire aussi pour lad. Ville que à ceste prochaine eslection vous vueillez les y laisser et faire en sorte qu'ilz soient continuez esd. estatz, dont vostred. Ville recevra le bien et nous très grand contantement.
"Donné à Houille, le cinquiesme Aoust 1563." Signé : CHARLES.
Et au dessoubz : de L'Aubespine.
Et au doz est escript :
A noz trés chers et bien amez les Prevost des Marchans, Eschevins, manans et habitans de la ville de Paris.
CCCCXXIV. — Lettres de la Royne à la mesme fin W.
9 août 1563. (Fol. 45 v°.)
"Messieurs, le Roy monsieur mon filz et moy avons tant congneu et senty ie bien que la ville de Paris a receu de la saige administration que en ont faict durant ce mauvais temps le sr de Versigny, Pre­vost, Marcel ct L'Advocat, Eschevins, que je ne me puis, avecques le Roy mond, filz, garder et vous prier avoir aggreable de les y continuer, et faire demourer encores ceste prochaine année, et n'y en mectre point d'autres en leurs places, estimant que vous n'en sauriez choisir de plus gens de bien, ne desquelz aussi vous nous rendiez plus de contante­ment. Priant Dieu, Messieurs, vous avoir en sa saincte garde.
"Escript àHoville'2', le cinquiesme Aoust i563.» Signé : CATHERINE.
Et au dessoubz : de L'Aubespine.
,Et au doz desd, lettres est escript : A Messieurs les Prevost des Marchans, Eschevins, manans et habitans de la ville de Paru.
Receues au Bureau de lad. Ville, le ixe jour desd, mois et an.
Responce aux lettres du Roy.
"Sire, nous avons receu vostre lettre du cin­quiesme du present mois qu'il vous a pleu nous en­voyer par monsr l'abbé de Sainct Pere, conseillier et mc des Requestes de vostre Hostel, affin de faire continuer pour ceste prochaine année en noz char­ges nous Prevost, Marcel et L'Advocat, comme estans agreables à Vostre Magesté, dont nous louons Dieu et vous remercions trés humblement, Sire, de tant de bien et d'honneur que recepvons de vous en vous contentant de nostre service; nous supplions Vostre Magesté croire que le serment que nous avons à vous et aux bourgeois de vostre Ville est de entre­tenir et faire garder les privileges anciens et acous-tumez, qui sont entre aultres choses de procedder tous les ans à eslection par les Conseillers, Quar-
O Cette missive de la Reine Mère se trouve reproduite d'après notre registre dans le recueil des Lettres de Catherine de Médicis, t. ll, p. 4i6.
(2' Ouvil!e-la-Rivière (Seine-Inférieure), arrondissement de Dieppe, canton d'Offranville.
35.